Plantun de Prouvènço

Pèr coumpara dos planto d'encò nostre

Thesium linophyllon subsp. montanum & Humulus lupulus

Thesium linophyllon subsp. montanum

Santalaceae

Noms en français : Thésium de Bavière, Thésium à feuille de lin.

Descripcioun :
Lou tesioun-di-fueio-de-lin trachis en basso mountagno dins lis Aup prouvençalo. Es uno planto en mato di tijo redo amé de fueio en lanço longo de 3 à 6 cm e qu'an souvènt 3 costo. La subsp. montanum a d'ùni fueio de mai de 3 mm de larg. Fai uno enflourejado en grando piramido amé li pecou di flour d'en bas proun long.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 30 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Thesium
Famiho : Santalaceae

Ordre : Santalales

Coulour de la flour : Blanco
Petalo : 5
Ø (o loungour) flour : 3 mm
Flourido : Printèms - Estiéu

Sòu : Ca
Autour basso e auto : 600 à 1800 m
Aparado : Noun
Jun à juliet

Liò : Óuriero de bos - Esclargido
Estànci : Subremediterran à Mountagnard
Couroulougi : Éuropo-Sud-Èst
Ref. sc. : Thesium linophyllon subsp. montanum (Ehrh. ex Hoffm.) Celak., 1871 (= Thesium bavarum Schrank, 1787 )

Óubloun

Humulus lupulus

Cannabaceae

Àutri noum : Barbouto, Vigno-dóu -Nord.

Noms en français : Houblon, Houblon grimpant.

Descripcioun :
Cadun counèis li pigno (enflourejado) dóu óubloun que douno à la biero soun goust. Es uno planto coumuno au nostre dins li relarg umide e proche d'aigo. Se recounèis peréu à si fueio di tres partido (de cop que i'a entiero) e à si lòngui liano.

Usanço :
Aleva pèr la biero, li pigno podon perfuma mant uno bevèndo o èstre manjado. Ajudon à dourmi (dins d'ùni relarg se n'en fai de coussin). Fau saupre peréu que li jóuini cambo soun manjadisso coume d'espargo. Ei poussible d'utilisa li tijo pèr la banastarié.